Shqiptarizem 1

Shqiptarizem

Pseudopatriotizmi, nuk eshte patriotizem.

.............Vitet e fundit , sidomos mbas nëntëdhjetës është vënë re një shpërthim mburrjesh të paprecedent për madhështinë e races shqiptare dhe thellësine historike te prejardhjes së saj.
............Ne jemi një komb i vogel i Ballkanit, me histori të dëndur dhe me një gjuhe unike, kushte këto të mjaftueshme, për të na ngritur historikisht në rangun e kombave që kanë të drejtë që të jetojnë të lumtur dhe të barabartë në një Europë të bashkuar.
...........Boshti historik i shqiptareve shkon, ne rastin më të mirë deri thellë në historinë e hershme të Ballkanit tek pellazgët. Përgjithësisht mendohet se ilirët janë pasardhës të pellazgëve, por po ashtu edhe popuj të tjerë janë të prejardhur prej tyrë. Nga ana tjeter pellazgët lashtësisht rrjedhin nga trungu indo-europjan.
...........Në vitet e para të erës së re Ballkani invadohet barbarisht nga Roma dhe konform rendit skllavopronar që ishte në fuqi, popullsia u vra apo u muar skllave. Po ashtu u shkatërruan deri në themel të gjitha qytetet e Ilirise dhe ekonomia e saj. Kjo gjë krijoi një vakum popullsie që bëri të mundur dyndjet e para slave të shekullit të gjashtë.
Më vonë Roma e fuqishme i shtyu përsëri sllavet drejt veriut, prej nga ata përsëri kthehen këtë herë me forca të shumta të armatosur dhe kjo ndodh në shekujt 12 dhe 13. Ishte pikërisht kjo periudhë kur kombi i arbërit po dilte brenda perandorisë Bizantine si një identitet më vete. Më vonë pushtimi Otoman solli edhe ai te këqijat e tij dhe shqiptarët për herë të parë fitojnë të drejtën që të paraqiten para botës si të tillë vetem në vitin 1912.
Kjo është në linja të trrasha historia pellasgo-iliro-shqiptare ashtu si e njeh bota e qytetëruar dhe ashtu si duhet që edhe ne t’ja themi asaj. &Ccedildo nuancim jashte fakteve historike akademike të pranuara nga Kongreset Skencore, ku historianet tanë profesioniste referojnë, do të ishte jo i pranueshem dhe bile edhe i dëmshem per kauzen shqiptare.

...........Jam ndodhur në një takim shumëkombesh, ku një i indoktrinuar nga propaganda forumeske e pseudopatriotëve, filloi të mbronte tezat amatoriale dhe te pa vertetuara (pranuara ) botërisht për gjuhën shqipe dhe lashtësine e saj. Bashkebiseduesit gjithmonë janë të kujdesshëm dhe të lenë të shprehesh deri ne fund, pastaj të venë edhe notën. Keshtu po ndodhte edhe në rastin në fjalë, por kur patrioti i flakët filloi të propagandonte se Homeri e ka shkruar Iliaden në shqip, dëgjuesit filluan t’i kthejnë krahet. Duke dashur të vinte vetullat, miku im nxorri edhe sytë.
............Kjo ngjarje me kujton nje histori te njohur kineze qe thotë. Ka shumë mënyra për të luftuar dikë. P.sh. mund ta shash, të intrigosh kundër tij, të ngresh ushtri dhe ta derrmosh fisikisht, por demi më i madh do të ishte, po ti vishje merita qe nuk i ka. Thuaji pa fund lavderime, mburre pra pa fund. Bëhu i pabesueshem pra në sytë e dëgjuesve dhe e ke shkatërruar një kundërshtar. Për syte e publikut, shumë shpejt, edhe meritat e tij do të duken të dyshimta.

............Në sytë e mij kjo fushate për të mbivlerësuar kombin shqiptar me duket si shembulli i mësiperm. Ne jemi dhe nuk kemi nevojë që të krijojme një komb te ri. Ne e kemi Shqiperine dhe askush nuk na e merr. Me vijnë ndër mend propagandat e pafund të Maqedonsve të shkretë, që edhe në kenget e dashurisë apo të dasmave futin nga një fjalë “Makedonija”. Ata e dinë mirë se nuk janë maqedonet e Aleksandrit, ata e dinë mirë se janë slave të ardhur të car Borisit në shekullin e shtatë dhe prandaj këlthasin. Ata e dinë mirë se mbreti Filip u martua me mollosen (ilire) Olimbi, dhe ishte maqedon parasllav dhe prandaj çirren. Po ne çfarë duam të vërtetojmë? Që jemi shqiptarë, e dinë te gjithë bota; që jemi të vjetër në këtë truall… edhe këtë e dinë. Mos vallë duam të vërtetojmë që jemi më të mirë? Jo, miqtë e mij. Këtë nuk ta pranon askush. Nuk ka kombe të mirë dhe kombe të ligj. Kjo bije erë racizem dhe bije ndesh me normat europjane. Kjo eshte suicid.

Mos e demtoni Shqiperine duke dashur ta mburrni

Respekt