Mekanizmat kundër viruseve çdo ditë e më të dobët

Mekanizmat kundër viruseve çdo ditë e më të dobët


Edhe pse prodhues të ndryshëm të mekanizmave antivirus dhe zgjidhjeve
tjera për sigurinë e kompjuterit kohë pas kohe lansojnë lajme që
pikërisht zgjidhja e tyre ofron mbrojtje të plotë të kompjuterëve
personalë, gjërat në praktikë janë pak më ndryshe. Këtë zbulim e ka
publikuar revista gjermane e IT-së c't
Ekspertë nga revista gjermane c't u kanë bërë një analizë të detajuar
të gjitha mekanizmave anti-virus që janë në dispozicion, derisa
raportin e plotë për efektshmërinë e tyre planifikojnë ta publikojë një
muajin janar të vitit të ardhshëm. Megjithatë, në internet kanë
publikuar një pjesë të zbulimeve të tyre.

Sipas ekspertëve të revistës c’t, mekanizmat antivirus janë bukur të
efektshëm në gjetjen e viruseve ekzistuese dhe aplikacioneve tjera
dashakeqe për kompjuterin, mirëpo efektshmëria e tyre bie dukshëm kur
përballen me largimin e tyre. Mbrojtja në kohë të duhur është me
rëndësi pothuajse për secilin shfrytëzues të kompjuterit, e pikërisht
në këtë pikë shumë mekanizma antivirus dështojnë.

C't pohon që njohja e viruseve të reja dhe sulmeve tjera ka rënë në
efektshmërinë prej 20 e 30 për qind, derisa të dhënat e vitit të kaluar
kanë treguar efektshmëri prej 40 deri në 50 për qind.

Ajo të cilën nuk e kanë publikuar në revistën gjermane është
metodologjia e detajuar të cilën e kanë përdorur gjatë analizës së
tyre, por e cila pritet të bëhet e njohur gjatë muajit të ardhshëm.