Dy miliardë fotografi në Flickr

Dy miliardë fotografi në Flickr

Këtë javë, shërbimi më i popullarizuar i internetit për publikimin e
fotografive, ka arritur një kthesë të madhe. Bukur impresiv dhe
interesant është lajmi se, numri prej dy miliardë fotografish është
arritur për më pak se katër vjet të ekzistimit të këtij shërbimi.
Shfrytëzuesi me pseudonim yukesmooks nga qyteti australian Brisbane me
13 nëntor ka publikuar në Flickr fotografinë e tij. Duke mos ditur,
yukesmooks në fakt e ka publikuar pikërisht fotografinë e dymiliardtë
në këtë shërbim të popullarizuar.

Shërbimi i internetit Flickr është njëri nga projektet e para të cilët
bien nën Web 2.0. Atë e ka themeluar kompania kanadeze, në shkurt të
vitit 2004, e duke e njohur suksesin potencial të këtij shërbimi të
internetit, gjiganti i internetit Yahoo e ka blerë projektin Flickr në
muajin mars të vitit 2005.