Problemi më i madh i Vistas... Windows XP

Problemi më i madh i Vistas... Windows XP

Studimi më i ri i kryer, të cilin e kanë kryer ekspertët e Forrester
Research, ka dëshmuar se problemi më i madh i Microsoftit për
popullarizimin dhe zbatimin më të madh të sistemit të ri operativ
Vista, nuk janë produktet konkurrente Apple apo Red Hat, por pikërisht
Windows XP.
Ekspertët e shtë***ë analitike Forrester Research kanë kryer studimin
me një mostër të 600 kompanive amerikane dhe evropiane, me mbi 1.000 të
punësuar, i cili ka dëshmuar që, madje 84 për qind e subjekteve
afariste të anketuara, në kompjuterët e tyre ende “sjellin” Windows XP.




Edhe pse Windows XP-të janë gjashtë vjet të vjetra, është shënuar
rritje e theksuar e shfrytëzimit të XP-ve për qëllime afariste, duke
marrë parasysh që rezultatet e vitit të kaluar kanë treguar përdorimin
e këtyre versioneve të sistemit operativ në hiç më pak se 67 për qind.

Madje, një numër i madh i të anketuarve me padurim presin daljen e
paketës shtojcë për XP – Service Pack 3, derisa sipas deklarimeve të
anketuarve vetëm 32 për qind e kompanive planifikojnë që deri në fund
të vitit të ardhshëm për afarizmin e tyre të kalojnë në Vista.