BOKS ---- Klitschko fiton titullin e tretё

Klitschko fiton titullin e tretё


Saktësisht
1.400 ditё pas betejёs sё tij të fundit, Vitali Klitschko ka mposhtur
kampionin Samuel Peter, nё meçin e tё shtunës mbrёma, pёr ta rifituar
kështu titullin nё kategorinë WBC - pesha e rёndё - dhe ka siguruar
dominimin e vёllezёrve nё kёtё divizion.37-vjeçari
Klitschko, vëllai mё i vjetёr i kampionit nё fuqi nё kategoritë IBF,
WBO dhe IBO, ka shtuar edhe kurorën e kategorisё WBC nё familjen e tij.
Ndeshja e fundit e tij ishte nё dhjetor tё vitit 2004 pas tё cilës, pёr
shkak tё njё lёndimi nё gju, mbeti pёrkohёsisht jashtë boksit.
Nё betejën e parё pas katёr viteve, Klitschko rrëzoi nga froni
nigerianin Peter, i cili u dorëzua nё fund tё rundit tё tetё, pёr t’i
dhёnё Klitschkos njё fitore me knock-out teknik si dhe titullin e
kampionit tё botёs pёr tё tretёn herё.
Triumfet e kaluara
Vitali fitoi titullin e parё kundër Herbie Hide, nё vitin 1999, kur
triumfoi nё kategorinë WBO, tё cilin mё vonё e humbi ndaj Chris Byrd nё
vitin 2000.

Ai u rikthye nё ring pёr tё fituar nё tё dyja kategoritë, WBC dhe IBO, tё cilat i humbi nё vitin 2003 nga Lennox Lewis.

Pas triumfit dhe mbrojtjes sё titullit nё WBC kundër Danny Williams nё
dhjetor 2004, Klitschko u detyrua tё heqё dorё nga boksi, deri nё
ndeshjen e mbrёmshme.
Pёr nigerianin, i cili nuk arriti kurrë tё kёrcёnojё Klitschkovin,
humbja ishte vetëm e dyta nё karrierën e tij, krahas 30 fitoreve. Me
humbjen e mbrëmshme, ai humbi edhe titullin e fituar ndaj rusit Oleg Maskaev, mё 8 mars tё këtij viti.