Skenderbeu... Sipas Oliver Jens Schmitt

Skenderbeu... Sipas Oliver Jens Schmitt

Oliver Jens Schmitt, do të prezantojë “Skënderbeun” në gjuhën shqipe. Vepra e profesorit të historisë së Evropës Juglindore, pranë Universitetit të Vjenës, vjen e shqipëruar prej Ardian Klosit. “Skënderbeu” është monografia e dytë e madhe për Arbërinë e shekullit 15, shkruar prej prof. Schmitt pas botimit në vitin 2007 të veprës “Arbëria venedike”. Në këtë vëllim kushtuar Skënderbeut, profesor Oliver Jens Schmitt, ka përdorur metodën e fokusimit shumëplanësh të protagonistit. Në këtë vepër, Schmitt shkëputet nga jetëshkrimet tradicionale për Gjergj Kastriotin. Ndërsa analiza shkencore dhe dokumentacioni tejet i pasur mbështesin edhe më fort zbërthimin e një mitologjie që mbretëron prej njëqindvjeçari te ne. Oliver Jens Schmitt, në veprën e tij, shkruan se jeta dhe kryengritja e Skënderbeut u bë dhe tragjedia e trevës së tij të prejardhjes, e cila si asnjë rajon tjetër i Ballkanit u shkretua e u shpartallua nga osmanët. Ndërsa e quan gati emblematike vetminë e Skënderbeut në ditët e tij të fundit… “Vetëm se bota pas tij nuk deshi të dinte për këtë fat tragjik, ajo dëshiroi një hero ngadhënjimtar në luftën për mbijetesë kundër perandorisë osmane. Kështu vazhdoi të jetojë Kastrioti i madh si hero vezullues në kujtesën e të krishterëve në Ballkan dhe në Perëndim, ndërkohë që u harrua se ai në të vërtetë ishte figura tragjike e një periudhe kur po ndryshonin kohët”, vazhdon më tej profesori i historisë në Universitetin e Vjenës. “Skënderbeu” do të promovohet më 10 nëntor në ambientet e Muzeut Historik Kombëtar.

Burimi: Gazeta Shqip

Ky liber ka dale tashme me 10 nentor.
Personalisht nuk e kam lexuar plotesisht por kam shfletuar faqe te ketij libri. Autori, ose me sakte historiani i Evropës Juglindore Schmitt e ka krahasuar Skenderbeun, me Aleksandrin e madh, pastaj tregon ne librin e tij qe Skenderbeu luftoj me teper per hakmarje sesa per liri...

Doja te dija nga ju, kush e ka lexuar librin? Cfare mendoni?
Si ju duket juve kur n'a preket ana mitologjike e historise tone...?
Per mua, Skenderbeu eshte nje Mit dhe nuk dua ta shikoj ndryshe, po ju?