Celulari prej druri me funksione te fshehta...

Druri si material për përpunimin e celularëve është realitet. Si prodhues i vetëm të cilit i bie ndërmend të paraqes në mënyrë standarde këto pajisje në shtëpiza të tilla është ai i celularëve luksoz, Gresso, e tani edhe dy dizajnerë tjerë kanë vendosur të paraqesin versionin e tyre të celularit të drurit.

Dizajnerët Hyun Jin Yoon dhe Eun Hak Lee për zgjidhjet e tyre inovative tanimë kanë marrë disa çmime në garën prestigjioze IDEA (International Design Excellence Awards), e tani ata kanë vendosur ta fusin atë në botën e telekomunikacioneve.

Ata kanë paraqitur celularin, shtëpiza e të cilit është e përpunuar tërësisht nga druri i panjës. Dimensionet e pajisjes janë 4.5 x 10.4 x 9.8 centimetra, dhe ai bie në kategorinë e celularëve rrëshqitës, derisa tastet e funksioneve janë të fshehura dhe aktivizohen me prekjen në shtëpizë. Deri tek ekrani i tij LCD arrihet me hapjen e mekanizmit rrëshqitës.

Siç është pritur, në pjesën e prapme të pajisjes shpikësit e tij kanë integruar kamerën, dhe kjo është krejt ajo që deri tani kemi arritur të marrim vesh për këtë celular të pazakontë.

Gjithashtu, ende nuk dihet koha kur ai do të mund të paraqitet si dhe kush do ta prodhojë.

Kodi:

telegrafi.com